Valentim R. Fagim

Grupo G: Aquelas pessoas que vivem o Galego como umha Língua.

Subgrupo G1: Recentemente veu a lume um Manual Galego de Língua e Estilo que bate o ponto e nos acautela naqueles aspectos onde nos deslizamos para o portunhol. Neste sentido é umha ferramenta imprescindível, original e única.

Subgrupo G2: Nas mesmas datas nasce a Associação Pró-Academia Galega da Língua Portuguesa que servirá entre outras cousas para inserir a Galiza “institucionalmente” na Lusofonia. Neste sentido é umha ferramenta imprescindível, original e única.

Estando os subgrupos G1 e G2 integrados em G, seria esperável que ambas as notícias provocassem o seu regozijo. E provável, além de desejável, que na maioria dos casos assim tenha sido, mas também é certo que existem integrantes de G1 a acharem que G2 nom é patriótico/nacional e membros de G2 a considerem que G1 é regional.

Quanto mede entom um centímetro? Segundo a wikipédia, um centímetro é umha unidade de comprimento igual a 0,01 metros. Ao que parece isto é assim em cada um dos países do planeta Terra. Na Galiza, no entanto, às vezes um centímetro equivale a um quilómetro o que, especialmente com umha orografia tam acidentada como é a nossa, pode dar para não ver-se.

Fonte original:

• Novas da Galiza nº 61